«Нам нужна одна победа, одна на всех – мы за ценой не постоим…»

Воинское звание: рядовой

Дата  рождения: 1914 год

Место рождения: д. Кармышево, Альшеевский район

Кем призван: Альшеевским РВК

Дата гибели, смерти:  пропал без вести

Минең олатайым,  Саубанов Закуан Нуриман улы,  1914 йылда  Әлшәй районы Ҡармыш ауылында тыуып үҫкән.  

«Олатайың  һуғыштың тәүге көнөнән үк, 1941 йылдың июнь айында,  военкоматҡа саҡыртылды һәм шул уҡ көндө  Стәрлегә оҙатылды. 15 көн самаһы торас,  Шишмә - Ҡазан юлы менән һуғышҡа оҙатылған. Мин көн дә Раевкаға килеп, Раевка аша китә тип, көтөп торҙом.  Шулай итеп, осраша ла алманым. Ирем китеп бер ай үткәс, ҡыҙым тыуҙы. Хаттары килеп торҙо. Өс ай үтеүгә яраланып, госпиталгә эләкте. Һуңғы фотоһон да ошо госпиталдә төшкән булған. Һауыҡҡас, тағы һуғышҡа инде. Бик ҡаты һуғыш бара тип, яҙҙы һуңғы хатында. Ҡабат унан хаттар килмәне...

Йөрәгемде әрнетеп, ҡара ҡағыҙ килде. Унда уның хәбәрһеҙ  юғалыуы тураһында яҙылғайны...

 Закуан олатайың һуңғы хатында миңә ике йыр яҙып ебәргәйне. Ул йырҙы мин бер ҙә онота алмайым, ауыр минуттарҙа һәр ваҡыт иҫемә төшөрөп, үҙемсә көйләп алам, - тип һөйләгәйне миңә Зөләйхә өләсәйем.”

Ҡайыш ҡыҫа билемде,

Шинель  баҫа иңемде.

Төндә төштәремдә күрәм

Тыуып үҫкән илемде.

Иртән тороп тышҡа сыҡһам

Ай һыуҙа йөҙгән кеүек.

Күреп күҙҙәрем туйманы

Күңелем һиҙгән кеүек.

Әлшәй районы Ҡармыш ауылының 843 һанлы һайлау участогының председателе Саубанова Гөлсирә Факил ҡыҙы.